વિવિધ પુરાણોમાં “દત્ત પ્રાગટ્ય રહસ્ય”ની સુંદર કથા છે.પૃથ્વીલોક (મૃત્યુલોક)ની “માતૃ શક્તિનો મહિમા” વધારવા માટે દેવર્ષિ નારદ બ્રહ્મલોકમાં બ્રહ્માણી પાસે જઈ વંદન કરી “માતા અનસૂયાના સતીત્વ”નો મહિમા રજુ કરતા બોલ્યા કે , “પૃથ્વીલોકમાં મહાસતી અનસૂયા માતાની શિષ્યા શાંડિલીના પતિ કૌશિકને માંડવ્ય ઋષિએ શ્રાપ આપેલ કે – સૂર્યોદય થતાં તેનું મરણ થશે પણ સતી શાંડિલીએ સૂર્યને સતત સાત દિવસ સુધી ઊગવા ન દીધો. છેવટે દેવોની વિનંતિને લીધે અનસૂયા માતાએ શિષ્યા શાંડિલીને ‘સૂર્ય મુક્ત’નો આદેશ કર્યો તેથી સૂર્યદેવની ગતિ થઈ. કૌશિકનું મૃત્યુ થયું તેથી અનસૂયા માતાએ તેને જીવિત કર્યો – નવું જીવન પ્રદાન કર્યું. આમ,......